Футбол майдонларида катта из қолдирган Чили терма жамоаси ҳужумчиси Алексис Санчес энди «Севилья» шарафини ҳимоя қилади. Испаниянинг машҳур клуби 36 ёшли футболчи билан бир йиллик келишувни расман эълон қилди.
Санчес ўз фаолияти давомида Европанинг бир қатор етакчи жамоаларида тўп сурган. Унинг бой карьерасида «Арсенал», «Барселона», «Манчестер Юнайтед» ва «Интер» каби жамоалардаги чиқишлари алоҳида ўрин эгаллайди. Ҳар бир клубда у мухлислар хотирасида ярқин ўйинлари ва ҳал қилувчи голлари билан қолган.
Эътиборли жиҳати, ҳужумчининг сўнгги манзили Италия чемпионати бўлган — у «Удинезе» сафида ҳаракат қилди. Энди эса у Испанияга қайтиб, «Севилья» билан янги саҳифа очиш арафасида турибди.
Кўп тажриба тўплаган Санчеснинг «Севилья» сафидаги ўйини жамоага янги куч ва жонланиш олиб келиши кутилмоқда.
«Замин»ни Telegram’да ўқинг!
