1 сентябр куни Испания чемпионатида ёзги трансфер ойнаси расман якунланди. Бу йил Ла Лига жамоалари ҳам анча фаоллик кўрсатди ва йирик маблағларга қатор юлдузларни ўз сафига қўшиб олди. Испания майдонларидаги кураш янада қизғин кечиши табиий.
2025/2026 мавсум ёзги трансферларидан энг қиммат бешталиги қуйидагича:
-
Дин Ҳейсен — «Борнмут»дан «Реал Мадрид»га, €62,5 млн
-
Алваро Каррерас — «Бенфика»дан «Реал Мадрид»га, €50 млн
-
Франко Мастантуоно — «Ривер Плейт»дан «Реал Мадрид»га, €45 млн
-
Алекс Баэна — «Вилярреал»дан «Атлетико Мадрид»га, €42 млн
-
Жорж Микаутадзе — «Лион»дан «Вилярреал»га, €31 млн
Кўриниб турибдики, «Реал» ёзги бозорда энг фаол клуб бўлди. Мадрид жамоаси таркибини ёш ва иқтидорли футболчилар билан кучайтирди. Бу трансферлар орқали «қироллик клуби» олдиндаги Европа майдонларида ҳам катта мақсадлар сари интилаётганини кўрсатди.
Эслатиб ўтамиз, Ла Лигада ортда қолган уч турдан кейин «Реал Мадрид» 9 очко билан пешқадамликни қўлга киритган. Иккинчи ўринда ҳам 9 очкога эга «Атлетик Бильбао» жой олган. «Вилярреал» ва «Барселона» эса 7 очкодан тўплаб, кучлилар сафида қолмоқда.
Испания майдонларидаги бу мавсум мухлислар учун янада қизиқарли ва драматик кечиши кутилмоқда. Йирик трансферлардан сўнг, Ла Лигадаги рақобат янада кучайиши табиий.
«Замин»ни Telegram’да ўқинг!
