“Манчестер Сити” ва Норвегия терма жамоаси ҳужумчиси Эрлинг Холанд футболчилар орасида кимларни ўзининг энг яхши дўсти, деб билишини айтди. Унинг таъкидига кўра, саволга жавоб аниқ: Доминик Собослаи, Жек Грилиш ва Жуд Беллингем — деди Эрлинг Холанд.
25 ёшли тўпурар бу ўйинчилар билан турли жамоаларда танишганини эслатди. Хусусан, Эрлинг Собослаи билан “Ред Булл Зальцбург” жамоасида бирга ўйнаган — ўша пайтлардаёқ ўзаро тушуниш ва майдондаги ҳамжиҳатлик дўстликка асос солган.
Жек Грилиш эса, бу ёз “Манчестер Сити”дан “Эвертон”га ижарага кетди. Холанд келганидан буён “шаҳарликлар” сафида елкама-елка ўйнаб келаётган эди — шу сабаб у билан боғланган ўзаро ишонч ва дўстлик ҳисси ҳали ҳам мустаҳкамлигича қолмоқда.
“Реал” юлдузи Жуд Беллингем билан Холанд “Боруссия Дортмунд”да яқиндан танишган ва дўстлашиб қолган. У ердаги бирга машғулотлар, ўйинлардаги рақобат ва катта баҳслардаги масъулият уларнинг муносабатини янада кучайтирган.
Қисқаси, Холанднинг “энг яқинлар” рўйхати турли чемпиoнат ва клублардан жам бўлган бўлса-да, уни бирлаштирувчи ғоя битта: майдонда ҳам, ундан ташқарида ҳам ҳурмат, ишонч ва умумий мақсад — ютиш.
«Замин»ни Telegram’да ўқинг!
