Хабарингиз бор, Англиянинг Ливерпуль шаҳрида World Boxing раҳнамолигида илк бор катталар ўртасида жаҳон чемпионати ўтказилмоқда. Бу нуфузли мусобақа дунё боксида янги тарихий саҳифа очаётгани билан бирга, ўзбек спортчилари учун ҳам катта имконият яратиб бермоқда.
Шу йилги чемпионат доирасида рингга чиққан ҳамюртимиз Абдумалик Халоков -60 кг вазн тоифасида туркиялик Меҳметхан Чинарга қарши жанг қилди. Жуда кучли ва шиддатли кечган беллашувда ўзбек боксчиси катта устунлик кўрсатиб, ҳакамлар якдил қарорига кўра 5:0 ҳисобида ғалаба қозонди.
Халоковнинг маҳоратли ҳаракатлари ва аниқ зарбалари рақибини деярли имкониятсиз қолдирди. Жанг давомида у ўзининг тажрибаси ва техник устунлигини тўлиқ намоён этди. Шу тариқа, у кейинги босқичга йўл олиб, чемпионлик йўлида яна бир қадам ташлади.
Маълумот учун, чемпионнинг кейинги баҳси 8 сентябрь куни бўлиб ўтади. Бокс ишқибозлари ушбу жангни катта интизорлик билан кутишмоқда.
Ўзбекистон бокс федерацияси таъкидлаганидек, бу ғалаба нафақат Халоковнинг шахсий ютуғи, балки ўзбек бокси мактаби нуфузини янада юксалтирди. Бугунги кунда юртдошларимиз халқаро мусобақаларда муносиб иштирок этиб, Ватан байроғини баланд кўтариб келмоқда.
«Замин»ни Telegram’да ўқинг!
