Шерзод Тошматов Осиё бокс федерацияси вице-президенти этиб тайинланди » Ўзбекистон янгиликлари – Zamin.uz

Шерзод Тошматов Осиё бокс федерацияси вице-президенти этиб тайинланди

Спорт 19-12-2016, 14:50 559
Шерзод Тошматов Осиё бокс федерацияси вице-президенти этиб тайинланди

17 декабрь куни Абу-Дабида (БАА) Осиё бокс конфедерацияси (ОБК) Ижроия қўмитасининг ҳар йиллик йиғилиши бўлиб ўтди. Йиғилиш доирасида кадрлар масаласи ҳам кўриб чиқилди, деб хабар қилди «Газета.uz» нашри.

Қўмита аъзолари кадрларни тайинлаш, йил якунлари, 2017 йилда минтақавий спорт тадбирларини ташкил этиш ҳамда молиявий масалаларни муҳокама этди.

Ўзбекистон Бокс федерацияси раисининг биринчи ўринбосари Шерзод Тошматов ОБК вице-президенти этиб тайинланди. Токиода бўлиб ўтадиган ёзги Олимпия ўйинлари-2020 да Осиё конфедерацияси тиббий комиссияси билан ҳамкорлик олиб бориш ва фаолиятини мувофиқлаштириш унинг асосий вазифалари қаторидан ўрин олган.

19−20 декабрь кунлари Лозаннада (Швейцария) Халқаро ҳаваскор боксчилар ассоциацияси (AIBA) Ижроия қўмитасининг навбатдан ташқари қурултойи бўлиб ўтади. Унда ОБК Ижроия қўмитаси аъзолари ҳам иштирок этади.


Zamin.uz нинг Facebook’даги расмий саҳифасига обуна бўлиб, янгиликлардан хабардор бўлинг.