ФИФА президенти Джанни Инфантино 8 сентябрга ўтар кечаси Ўзбекистонга ташриф буюрди, деб Kursiv Media хабар берди. Унинг келиши ҳақида Миллий футбол ассоциацияси маълум қилди.
Инфантино бошчилигидаги делегацияни Тошкент халқаро аэропортида МОҚнинг биринчи ўринбосари Отабек Умаров ва расмийлар кутиб олди.
Ташриф доирасида Инфантино мамлакатда футболни ривожлантириш масалаларини муҳокама қилади ҳамда CAFA Nations Cup 2025 финал учрашувини томоша қилади.
Икки йил аввал у Тошкентда Президент Шавкат Мирзиёев билан учрашган ва унга имзоланган футболка совға қилган эди. 2024 йилда эса футзал бўйича жаҳон чемпионати финалида иштирок этган.
Инфантино 2016 йил қишидан буён ФИФАга раҳбарлик қилади. Унгача УЕФАнинг бош котиби бўлиб ишлаган ва бу лавозимда 7 йил фаолият юритган.
«Замин»ни Telegram’да ўқинг!
