Шомуродов ва Файзуллаев мураббийсиз қолди

Истанбулнинг «Башақшехир» клуби бош мураббийи Чағдаш Атан истеъфо берди, деб Kursiv Media хабар берди. Клуб матбуот хизматига кўра, шартнома ўзаро келишув асосида бекор қилинди.

Расмий баёнотда Атаннинг сўнгги икки мавсумдаги садоқати ва профессионаллиги эътироф этилди. У жамоани икки йил кетма-кет Европа чемпионлар кубогида ғолибликка олиб чиққан. Клуб раҳбарияти унга миннатдорчилик билдириб, келгуси фаолиятида омад тилади.

Атаннинг ҳисобида 47 ғалаба, 22 дуранг ва 29 мағлубият мавжуд. Жамоа бу мавсум Европа Лигасига чиқа олмади ва Туркия Суперлигасида дастлабки икки ўйинда дуранг қайд этди. Туркия ОАВига кўра, янги мураббий сифатида Нури Шоҳин номзоди кўрилмоқда.

Июль ойида ўзбекистонлик Элдор Шомуродов «Рома»дан «Башақшехир»га ўтган эди. Шунингдек, июль охирида Москва ЦСКА жамоасидан Аббосбек Файзуллаев ҳам клуб сафига қўшилган.

Нодирбек Раззоков

«ЗАМИН.УЗ» муҳаррири