Рауф Инилеев Олий лиганинг қайси клубини бошқаради?

  • Спорт
  • 20-12-2016, 10:56
  • 672
  • Рауф Инилеев Олий лиганинг қайси клубини бошқаради?

    Ўзбекистон терма жамоаси собиқ бош мураббийи Рауф Инилеев янги мавсумни янги клубда бошлайдиган бўлди. Мураббий эндиликда фаолиятини Тошкентнинг «Обод» клубида олиб боради деб хабар бермоқда Tribuna.uz.

    Манбага кўра, жамоа Рауф Инилеев билан бир йиллик шартномага имзо чеккан. 21 декабрдан бошланадиган машғулотларни айнан Рауф Талгатович олиб боради.

    Янги мавсумга тайёргарликнинг биринчи босқичи 21-28 декабрь кунлари Тошкентда бўлиб ўтади. Шундан сўнг футболчилар қисқа муддатли танаффусга чиқади. Январь ойининг дастлабки кунларидан бошлаб тайёргарлик яна Тошкентда давом эттирилади.

    Эслатиб ўтамиз, Ўзбекистон миллий терма жамоаси собиқ бош мураббий 2007 йилда Осиёнинг энг яхши мураббийи сифатида тан олинганди.