Ливерпул шаҳрида ўтказилаётган бокс бўйича дунё чемпионатида бугунги кун янада қизғин ва қизиқарли жангларга бой бўлиши кутиляпти. Шунингдек, юртимиз шарафини ҳимоя қилаётган 8 нафар ўзбекистонлик чармқўлқоп устаси рингга кўтарилади. Улар орасида 5 нафар спортчи финалга йўлланма учун ҳал қилувчи баҳсларда иштирок этади.
Чемпионат доирасида кураш олиб бораётган ҳар бир боксчимизнинг майдондаги ҳаракатлари ва натижалари нафақат мураббийлар, балки бутун бир миллатнинг эътиборида бўлади. Айниқса, ярим финал босқичига чиққан вакилларимиздан мухлислар катта умид қилаётир.
Чорак финал босқичида қуйидаги юртдошларимиз рингга чиқишади:
-
48 кг: Сабина Бобоқулова — Жованна Марчесе (Италия)
-
50 кг: Шодиёржон Мелиқўзиев — Соуши Макино (Япония)
-
85 кг: Акмалжон Исроилов — Рикардо Фреснеда (Испания)
Ярим финалда эса финалга йўлланма учун қуйидаги тўқнашувлар кутиб турибди:
-
65 кг: Навбаҳор Ҳамидова — Ниен-Чин (Хитой Тайпейи)
-
60 кг: Абдумалик Халоков — Шунсуке Китамото (Япония)
-
75 кг: Фазлиддин Эркинбоев — Саиджамшид Жафаров (Озарбайжон)
-
90 кг: Тўрабек Ҳабибуллаев — Энмануел Реес Пла (Испания)
-
+90 кг: Жаҳонгир Зокиров — Данабиеке Байикевузи (Хитой)
Шубҳасиз, ушбу баҳслар нафақат боксимиз ривожи, балки мамлакатимиз спорт нуфузини янада юксалтиришда муҳим аҳамият касб этади. Мухлислар эса боксчиларимиздан навбатдаги ғалабаларни кутмоқда.
«Замин»ни Telegram’да ўқинг!
