"Манчестер Сити"нинг собиқ етакчи ярим ҳимоячиси Илкай Гюндоган Пеп Гвардиола билан ўтган йилларини эслар экан, унинг шахсий ва профессионал ҳаётидаги ўрни ҳақида самимий сўзлар айтиб ўтди.
Германиялик футболчи ўз фикрларини шундай баён этди:
— Бу давр ҳақиқатан ҳам жуда ажойиб бўлган. Ростини айтсам, муносабатимиз шунчаки мураббий ва шогирд ўртасидаги оддий алоқалардан анча юқори даражада эди. Пеп менга футболда хоҳлаганимнинг барчасини берди. Унинг қўл остида жуда кўп билим ва тажриба орттирдим.
Гюндоганнинг таъкидлашича, Гвардиоланинг таъсирисиз бу қадар ютуқларга эриша олмас эди:
— У менинг бутун карьерамга катта таъсир кўрсатди. Агар Пеп билан ишламаганимда, ҳозирги натижаларга ета олмасдим. У энг яхши мураббий ва бу гапни "Манчестер Сити" сафида ўйнаган ҳар қандай футболчи айтиши мумкин. Барча ёрдами учун ундан чексиз миннатдорман, — деди тажрибали футболчи.
Эслатиб ўтамиз, Илкай Гюндоган ҳозирда Туркиянинг машҳур жамоаси "Галатасарой" таркибида тўп сурмоқда ва янги сафарда ҳам ўз тажрибасини намойиш этишда давом этмоқда.
«Замин»ни Telegram’да ўқинг!
