«Бенфика» жамоаси раҳбарлигини ўз қўлига олган Жозе Моуринью яқиндаги интервьюсида Туркия клуби «Фенербаҳче»да ишлаганини тўғри қарор бўлмаганини очиқ тан олди. Португалиялик мутахассис 2024 йил ёзидан буён бошқарган жамоасини август ойи якунида тарк этган эди.
«Мен учун қайтиш – бу дунёнинг энг нуфузли клубларидан бирини бошқариш имкониятидир. Фаолиятим давомида кўплаб давлатларда йирик жамоалар билан ишладим ва катта тажриба тўпладим.
Албатта, айрим вақтларда хато қарорлар ҳам қабул қилганман. Шулардан бири – «Фенербаҳче»да иш бошлашим эди. У ердаги маданият мен учун бегона бўлди, футбол даражаси эса менинг ўрнимга тўғри келмади. Шунга қарамай, охирги кунимга қадар қўлимдан келган барча меҳнатни қилдим», – деди Моуринью.
Таниқли мураббий шунингдек, ишдан кетган пайтида жаҳли чиққанини яширмади: «Ҳеч бир мураббий ишсиз қолишни хоҳламайди. Мен ҳам Бруну Лаже каби бу ҳолатдан ранжидим. Аммо ҳозир «Бенфика»ни бошқариш орқали ўзимнинг ҳақиқий даражамга қайтдим. Чунки менинг мақомим – фақат энг йирик клубларни бошқариш».
Моуриньюнинг бу баёноти нафақат Португалия, балки бутун Европа футбол жамоатчилигида катта қизиқиш уйғотди. Чунки у яна ўзини футбол оламининг энг катта саҳнасидан кўрсатишга тайёр эканини кўрсатди.
«Замин»ни Telegram’да ўқинг!
