“Манчестер Сити” бош мураббийи Хосеп Гвардиола “Арсенал”га қарши кечган ўйинда жароҳат олган Абдуқодир Ҳусанов яқин кунларда бир нечта учрашувларда иштирок эта олмаслигини маълум қилди. Клуб матбуот хизмати бу янгиликни ўзининг ижтимоий тармоқлардаги расмий саҳифалари орқали эълон қилди.
Айни пайтда нафақат Англия, балки бутун дунё бўйлаб тарқалган “Сити” ишқибозлари ўзбек легионери ҳақида қизғин муҳокамалар олиб боришмоқда. Фанатлар Ҳусановнинг майдондаги ҳаракатларини юқори баҳолаб, унинг яқин орада сафга қайтишига умид билдиришмоқда.
Бир қатор фикрлар Абдуқодир Ҳусановнинг мухлислари учун қизиқ бўлиши табиий:
Greenwood Greenwood:
“Ҳусанов ҳимоя чизиғида турса, жамоа девордай мустаҳкам кўринади. Унинг майдондаги ҳаракатлари хавфсизликни таъминлайди.”
Tochukwu Elias:
“Абдуқодир ҳақиқий ҳимоя қалқони. Биз унинг яқин вақтда сафга қайтиб, Чемпионлар Лигаси ғалабаси учун курашишини кутиб турибмиз.”
Soumya Chattopadhyay:
“‘Арсенал’га қарши ажойиб ўйнаётганди. Соғлом ҳолатда яна майдонга қайтсин.”
Okwii Richard:
“‘Арсенал’, сен Ҳусановнинг нималарга қодир эканини кўрдинг. Биз уни севамиз.”
Calito De Cattz:
“Бизга унинг марказдаги ўйини жуда ёқди. Бироқ у ҳозир ўнг қанотда ҳам ўзини кўрсата оляпти. Ҳусанов тезкорлиги билан ажралиб турди ва клуб учун муносиб футболчи эканини кўрсатди.”
Paul Anthony Gilleece:
“Унинг салоҳияти кун сайин ортаяпти. Ҳусанов янада кучли футболчига айланмоқда.”
Undersco Ak:
“Бу йигит ҳақиқатан ҳам иқтидорли. Унга вақт беринг, натижани клубнинг ўзи кўради.”
Monday Eddy:
“Мен ‘Арсенал’ мухлиси бўлсам-да, Ҳусановнинг ўйинига қойил қолдим. У жуда зўр футболчи.”
Zambrotta à Kamara:
“У ҳам жуда ақлли, ҳам жисмонан бақувват. Ҳусановнинг ўйинини томоша қилиш завқ беради.”
Peter Turnbull:
“Биз Абдуқодирни жуда яхши кўрамиз ва унинг ‘Сити’да узоқ йиллар тўп суришини истаймиз.”
Frank Jones:
“Пеп, уни ўнг қанотда қолдиравер. Ҳусанов янги Уокер бўлишига ишончимиз комил.”
Chilz Mula:
“Бизга Ҳусановга ўхшаган футболчилардан кўпроқ керак.”
Emmanuel Akam:
“Унинг тезлигини кўрганимда, завқланиб кетаман. Чаққонлиги ажойиб.”
Amen Alla Weslati:
“Ҳусанов кучли, интилувчан ва тезкор. У ҳар доим бошланғич таркибда бўлишга лойиқ.”
Шу тариқа, Абдуқодир Ҳусанов нафақат “Манчестер Сити”да, балки бутун дунёдаги футбол мухлислари орасида ҳам катта ҳурмат ва эътиборга сазовор бўлди. Ҳозир унинг соғлом ҳолатга қайтиши миллионлаб ишқибозларнинг асосий умидига айланди.
«Замин»ни Telegram’да ўқинг!
