«Манчестер Сити»нинг ёзги трансфер бозоридаги ҳаракатлари атрофида қизғин муҳокамалар давом этмоқда. Катта мақсадлар йўлида доимо ўз таркибини кучайтиришга интиладиган жамоа бу сафар Бразилия терма жамоаси яримҳимоячиси Бруно Гимараэсга кўз тиккан эди.
Журналист Ли Райдер тарқатган маълумотларга кўра, «шаҳарликлар» раҳбарияти расман «Нюкасл» клубига таклиф йўллаб, 27 ёшли маҳоратли яримҳимоячини сотиб олишга ҳаракат қилган. Бироқ «қарғалар» раҳбарияти жамоа учун муҳим фигура ҳисобланган Гимараэсни сотиш фикрини ҳатто муҳокама қилишни ҳам истамади.
Натижада «Манчестер Сити» трансфер режасини ўзгартириб, «Милан» таркибида ўйнаётган Тиани Рейдерсни ўз сафига қўшиб олди. Бу қарор Гвардиола тактик режаларида ҳам катта аҳамият касб этди.
Эслатиб ўтиш жоиз, Бруно Гимараэс 2022 йилдан буён «Нюкасл Юнайтед» таркибида тўп суриб келмоқда ва қисқа вақт ичида жамоанинг асосий етакчиларидан бирига айланди. Бу мавсумда у барча мусобақаларда мунтазам майдонга тушиб, ўз ҳисобига 1та гол ёзиб қўйди.
Transfermarkt маълумотларига кўра, Гимараэснинг бозор қиймати ҳозирда 80 миллион еврога баҳоланмоқда. Бу эса уни Европа футбол бозорида энг қиммат ва талаб юқори бўлган яримҳимоячилардан бирига айлантирмоқда.
Шу тариқа, «Манчестер Сити»нинг бу трансфердаги нияти амалга ошмади, аммо клубнинг янада кучли таркиб шакллантириш борасидаги интилишлари ўз йўналишида давом этмоқда. Мухлислар эса Гвардиоланинг қишки трансфер ойнасида қандай қарорлар қабул қилишини қизиқиш билан кутмоқда.
«Замин»ни Telegram’да ўқинг!
