Футбол оламида энг нуфузли ва орзуқли соврин саналадиган «Олтин тўп» кимнинг қўлига ўтиши ҳар доим катта қизиқиш уйғотади. Нуфузли Goal портали таҳлилчилари ва экспертлари яқин ўн йилликда қайси футболчилар ушбу мукофотга эга чиқиши мумкинлигини башорат қилди.
Нашр таъкидлашича, тахминлар иқтидорли ёшлар салоҳияти, уларнинг халқаро ва клуб миқёсида кўрсатиши мумкин бўлган натижалари, катта турнирлардаги иштироки ҳамда эҳтимолий трансферлар асосида қилинган. «Биз футбол оламининг келажак юлдузлари ҳақида фикр юритдик ва улардан кимлар ёрқин натижалари билан «Олтин тўп»га даъвогар бўлиши мумкинлигини тахмин қилдик», – дейилади хабарда.
Goal портали келгуси ўн йил учун ўз прогнози билан ўртоқлашди:
-
2026 йил – Килиан Мбаппе. Франция юлдузи ёш бўлишига қарамай, аллақачон дунёдаги энг кучли ҳужумчилардан бири сифатида эътироф этилмоқда.
-
2027 йил – Муҳаммад Салоҳ. Мисрлик маҳоратли ҳужумчи ҳали ҳам юқори даражада ўйнаб, тажрибаси билан асосий довюрак футболчилардан бирига айланиши мумкин.
-
2028 йил – Жуд Беллингҳэм ёки Коул Палмер. Англия футболининг икки ёш иқтидори келгуси йилларда етакчи ўринларни эгаллаши кутилмоқда.
-
2029 йил – Эрлинг Ҳоланд. Норвегия тўпурари кўплаб голлари ва таъсирчан статистикаси билан энг кучли даъвогарлардан бири.
-
2030 йил – Ламин Ямал. «Барселона»нинг ёш иқтидори аллақачон бутун Европада катта қизиқиш уйғотган ва келажакда тўлиқ юлдуз бўлиши кутилмоқда.
-
2031 йил – яна Ламин Ямал. Унинг салоҳияти узоқ йиллар давомида юқори даражада бўлишини таъминлаши мумкин.
-
2032 йил – Дезиру Дуэ. Франциялик ёш футболчи катта истиқболга эга экани таъкидланмоқда.
-
2033 ва 2034 йиллар – яна Ламин Ямал. Goal портали экспертлари унинг истеъдоди ва маҳоратлари ёрдамида узоқ муддат футбол оламининг етакчиларидан бирига айланишини тахмин қилмоқда.
Шу тариқа, яқин ўн йил ичида Мбаппе, Салоҳ, Ҳоланд каби машҳур юлдузлар билан бирга Ямал каби ёш истеъдодлар ҳам футбол тарихида ўз номини мустаҳкамлашлари мумкин. Бу тахминлар мухлисларда катта қизиқиш уйғотди ва «Олтин тўп»нинг келажак эгалари ҳақида қизғин мунозараларга сабаб бўлди.
«Замин»ни Telegram’да ўқинг!
