Англия лига кубогининг 4-босқичига қура ташлаш маросими ўтказилиб, мухлислар катта қизиқиш билан кутган жуфтликлар аниқ бўлди. Бу босқичда миллий термамиз аъзоси Абдуқодир Ҳусанов тўп сурадиган «Манчестер Сити» Уэльснинг машҳур клуби «Суонси Сити» меҳмони бўлади.
Қолган жуфтликлар ҳам ўзига хос тўқнашувлар билан ажралиб туради. Лондон дербисига айланган «Арсенал» — «Брайтон» учрашуви мухлисларда алоҳида қизиқиш уйғотиши табиий. Шунингдек, «Ньюкасл Юнайтед» — «Тоттенхэм Хотспур» баҳси ҳам катта қарама-қаршиликларга бой бўлиши кутилмоқда.
Қуйидаги жуфтликлар 4-босқичда майдонга чиқади:
-
«Арсенал» — «Брайтон»
-
«Гримсби Таун» — «Брентфорд»
-
«Суонси Сити» — «Манчестер Сити»
-
«Ньюкасл Юнайтед» — «Тоттенхэм Хотспур»
-
«Рексем» — «Кардифф Сити»
-
«Ливерпуль» — «Кристал Пэлас»
-
«Вулверхэмптон» — «Челси»
-
«Уиком Уондерерс» — «Фулхэм»
Эътиборга молик жиҳати, бу босқичдаги баҳслар мухлисларга нафақат қизиқарли ўйинларни, балки сенсацияларга бой воқеаларни ҳам тақдим қилиши мумкин. Турнир баҳсларида аутсайдер клублар катта грандиоз клубларни қийнаши ёки мағлуб этиши эҳтимолдан холи эмас.
Лига кубогининг нимчорак финал баҳслари эса жорий йилнинг октябрь ойи якунига белгиланган. Шу боис, ҳар бир жамоа ушбу босқичда ғалаба қозониш учун барча кучини сафарбар этиши табиий ҳол.
«Замин»ни Telegram’да ўқинг!
