Усмон Дембеле нечта овоз билан «Олтин тўп-2025»ни қўлга киритди?

France Football журнали томонидан «Олтин тўп-2025» учун овоз бериш натижалари эълон қилинди. Унга кўра, бу йилги соврин соҳибини аниқлаш жараёнида франциялик юлдуз Усмон Дембеле мутлақ устунлик билан ғолиб чиқди.

Маълумотларга кўра, Дембеле 1380 очко тўплаб, ўзининг асосий рақиби бўлган Ламин Ямални 300 дан ортиқ балл билан орқада қолдирган. Бу натижа ҳеч қандай баҳсга ўрин қолдирмаган ҳолда уни йилнинг энг яхши футболчиси сифатида тарихга киритди.

«Олтин тўп-2025» учун овоз беришда энг яхши ўнлик қуйидагича шаклланди:

1. Усмон Дембеле — 1380 очко

2. Ламин Ямал — 1059 очко

3. Витиня — 703 очко

4. Муҳаммад Салоҳ — 657 очко

5. Рафиня — 620 очко

6. Ашраф Ҳакими — 484 очко

7. Килиан Мбаппе — 378 очко

8. Коул Палмер — 211 очко

9. Жанлуижи Доннарумма — 172 очко

10. Нуну Мендеш — 171 очко

Бу натижалар футбол оламида катта қизиқиш уйғотди. Айниқса, Мбаппе ва Доннарумма каби юлдузларнинг қатор паст поғоналарда қолиши кенг муҳокама қилинмоқда.

Таъкидлаш жоизки, 28 ёшли Усмон Дембеле Франция тарихида «Олтин тўп»ни қўлга киритган олтинчи футболчига айланди. Шу тариқа, Франция умумий совринлар сони бўйича Аргентина билан тенглашди. Бу эса француз футболининг нуфузини янада ошириб, миллий тарихда ёрқин саҳифа сифатида қайд этилди.

Shuhrat Razzakov

«ZAMIN.UZ» муҳаррири