Саудия пролигаси. «Ан Наср» амалдаги чемпионни мағлуб этди (видео)

Саудия Про-лигасининг 4-туридан ўрин олган "Ал-Иттиҳод" - "Ан-Наср" клублари ўртасидаги марказий беллашув ўз ниҳоясига етди. Мазкур тўқнашувда меҳмонлар 2:0 ҳисобида муваффақиятга эришди.

Дастлаб, учрашувнинг 9-дақиқасидаёқ сенегаллик ҳужумчи Садио Мане Команнинг узатмасини голга айлантирди. 35-дақиқага келиб эса Криштиану Роналду орадаги фарқни 2 тага етказиб қўйди. Ушбу икки гол ўйин тақдирини ҳал қилган ҳолда, "Ан-Наср"га 3 очкони тақдим этди.

Саудия пролигаси. 4-тур. 26 сентябр

Ал Иттиҳод — Ан Наср 0:2

Голлар: Мане (9), Роналду (35).

Ал Иттиҳод — Райкович, Ал Жулайдан (Шараҳили, 77), Ал Муса, Перейра, Фагиҳи (Ал Обид, 61), Канте, Ауар (Ал Ғамди, 45+2), Фабинио, Диаби, Бергвейн, Бензема.

Ан Наср — Бенту, Бушал, Симакан, Мартинес, Айман (Ғариб, 90), Коман (Ал Ғаннам, 86), Брозович, Ал Ҳайбари (Ал Ҳасан, 90), Мане, Роналду (Ал Амри, 90+5), Феликс.

Маълумот ўрнида, ушбу беллашувдан сўнг "Ан-Наср" 100 фоизлик натижа билан пешқадам бўлиб турибди (12 очко). Иккинчи ўриндаги "Ал-Иттиҳод"да эса 9 очко мавжуд.

Шухрат Раззаков

«ЗАМИН.УЗ» муҳаррири