Англия Премьер-Лигасининг навбатдаги турида "Манчестер Сити" ўз майдонида "Бёрнли" жамоасини қабул қилди ва мухлислар кутганидек, йирик ҳисобда ғалаба қозонди. Эътиборли томони шундаки, "Сити" жамоаси бир эмас, икки бор рақиб футболчиси орқали автогол ёрдамида ҳисобни очишга муваффақ бўлди.
Ўйиннинг 12-дақиқасида Максим Эстев ўз дарвозасига гол уриб, "Сити"ни олдинга олиб чиқди. Кейинроқ, 38-дақиқада "Бёрнли"нинг Жейдон Энтониси ҳисобни тенглаштирди ва мухлисларда умид пайдо бўлди. Бироқ иккинчи бўлимда "Сити" тўлиқ устунликни қўлга олди.
Матеус Нуньес 61-дақиқада аниқ зарба билан жамоасини яна олдинга олиб чиқди. Ортидан Максим Эстев иккинчи бор автогол киритиб, жамоасига яна бир зарар етказди (65'). Ўйин охирида эса саҳнага Эрлинг Холанд чиқди — у 90 ва 90+3-дақиқаларда голлар уриб, ҳисобни 5:1 кўринишига келтирди.
Умумий статистикада "Манчестер Сити" жамоаси ҳар бир кўрсаткичда устунлик қилди: тўпга эгалик (69%), аниқ паслар (634), бурчак зарбалари (10), ва зарбалар (21) бўйича рақибдан анча юқори натижа қайд этди.
"Сити" ушбу ғалаба орқали турнир жадвалидаги юқори ўринлар учун курашни давом эттирмоқда, "Бёрнли" эса жиддий хулоса чиқариши зарур.
«Замин»ни Telegram’да ўқинг!
