Португалиялик футболь афсонаси Криштиану Роналдунинг ўғли — кичик Криштиану Роналду яқин вақтларда Мадриднинг "Реал" клубига қўшилиши мумкин.
Daily Sports ва Al Kass нашрлари ёзишича, "қироллик клуби" раҳбарияти, жумладан президент Флорентино Перес шахсан ёш футболчи билан қизиқиш билдирган.
Маълумотларга кўра, "Реал" скаутлари 15 ёшли Роналдунинг ўйинларини таҳлил қилган ва унинг маҳорати ҳамда истиқболи юқори эканини қайд этган.
Кичик Роналду ҳозирда 15 ёшда бўлиб, у ҳужумчи сифатида ўнг ва чап қанотда бирдек фаол ўйнай олади. Шунингдек, у Португалиянинг U-15 терма жамоаси сафида 4 та учрашувда майдонга тушиб, 2 та гол урган.
Футбол мухлислари орасида эса “Роналду насабининг янги даври бошланмоқда”, деган фикрлар тарқалмоқда.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг Мавзуга оид янгиликлар
