Ўзбекистон миллий терма жамоаси бугун навбатдаги йиғинни бошлади. Илк машғулот асосан тикланишга қаратилди: енгил югуриш, стречинг, физиотерапия ва тўп билан юмшоқ машқлар бажарилди. Таркибда фақат Рустам Ашурматов йўқ эди — у кеча “Истиқлол” (Эрон) сафида ўйин ўтказгани сабабли эртадан йиғинга қўшилади. Шу билан бирга, бугун миллий жамоага янги бош мураббий Фабио Каннаваро расман тайинланди ва у дарҳол ишга киришди.
Чақирилганлар рўйхати
Дарвозабонлар: Абдувоҳид Неъматов (“Насаф”), Ботирали Эргашев (“Нефтчи”), Владимир Назаров (“Пахтакор”).
Ҳимоячилар: Рустам Ашурматов (“Истиқлол”, Эрон), Шерзод Насруллаев (“Насаф”), Фарруҳ Сайфиев (“Нефтчи”), Муҳаммадқодир Ҳамралиев (“Пахтакор”), Ҳожиакбар Алижонов (“Пахтакор”), Алибек Давронов (“Насаф”), Жаҳонгир Ўрозов (“Динамо”), Муҳаммадрасул Абдумажидов (“Пахтакор”), Дилшод Саитов (“Пахтакор”).
Ярим ҳимоячилар: Акмал Мозговой (“Банияс”, БАА), Абдурауф Бўриев (“Пахтакор”), Одилжон Ҳамробеков (“Трактор”, Эрон), Азизжон Ғаниев (“Ал Батаэҳ”, БАА), Умарали Раҳмоналиев (“Сабаҳ”, Озарбайжон), Ҳожимат Эркинов (“Пахтакор”), Отабек Шукуров (“Банияс”, БАА), Жамшид Искандеров (“Нефтчи”), Остон Ўрунов (“Персеполис”, Эрон), Аббосбек Файзуллаев (“Истанбул Башакшеҳир”, Туркия), Нодир Абдураззоқов (ОКМК), Анвар Ҳожимирзаев (“Динамо”).
Ҳужумчилар: Рустам Турдимуродов (“Сурхон”), Элдор Шомуродов (“Истанбул Башакшеҳир”, Туркия), Игорь Сергеев (“Пахтакор”).
Яқиндаги ўртоқлик баҳслари
9 октябр, 18:00 — Ўзбекистон vs Қувайт, “Олимпия” стадиони.
13 октябр, 17:45 — Ўзбекистон vs Уругвай, Малайзияда.
Каннаваро штабининг илк вазифаси — футболчиларнинг жисмоний ҳолатини тўғри тиклаш, интенсивликни ошириш ва Қувайт ҳамда Уругвайга қарши ўйинларга самарали тайёргарлик кўриш. Мухлислар кутганидек, “оқ бўрилар” учун мундиалга олиб борувчи йўлда ҳар бир йиғин ва ўйин алоҳида аҳамиятга эга бўлади.
