Лионель Месси АҚШнинг МЛС чемпионатидаги учрашувда иштирок этиш учун вақтинча Аргентина терма жамоасини тарк этди. Бу ҳақда хорижий ОАВлар маълум қилди.
Маълумотларга кўра, Европа лигаларидан фарқли равишда МЛС чемпионатида халқаро танаффуслар давомида ҳам баҳслар тўхтатилмайди. Шу боис, “Интер Майами” таркибида ўйнаётган Мессига жамоасига ёрдам бериш учун тез орада АҚШга қайтишига тўғри келди.
“Интер Майами” навбатдаги турда “Аталанта”га қарши баҳс олиб боради. Лионель ушбу беллашув 11 октябрдан 12 октябрга ўтар кечаси бўлиб ўтишини ҳисобга олиб, термадан вақтинча жўнаб кетди.
38 ёшли афсонавий футболчи МЛС учрашувидан сўнг яна миллий жамоа ихтиёрига қайтиб, 13 октябрдан 14 октябрга ўтар кечаси бўладиган Аргентина — Пуэрто-Рико ўртоқлик учрашувида майдонга тушиши кутилмоқда.
Мессининг бу ҳаракати унинг профессионалликка бўлган ёндашувини яна бир бор намоён этди. У ҳар доим жамоалар манфаатини биринчи ўринга қўяди ва терма билан клуб ўртасидаги мувозанатни аниқ сақлайди.
Эслатиб ўтамиз, Лионель Месси 2025 йилдаги МЛС мавсумида 26 та ўйинда иштирок этиб, 24 та гол урган ва 14 та голли узатма берган. Унинг “Интер Майами” билан амалдаги шартномаси 2025 йил 31 декабрь куни якунланади.
Месси учун ҳар бир беллашув — бу янги қадам, янги изланиш. Унинг ҳаракатлари футбол оламида ҳали узоқ вақт тилга олинади, шубҳасиз.
“Zamin”ни Telegram'да ўқинг!
