Жаҳон чемпионати–2026 саралаш босқичи доирасида бўлиб ўтган Ироқ ва Индонезия терма жамоалари ўртасидаги баҳс кутилганидек кескин ва муросасиз ўтди. Учрашув тақдирини ягона гол ҳал қилди.
76-дақиқада Ироқ термасининг яримҳимоячиси Зидан Иқбол жарима майдони ичида аниқ зарба бериб, жамоасига муҳим ғалаба келтирди. Шу тариқа, ироқликлар 3 очкони қўлга киритди ва мундиал йўлланмаси учун курашда ўз позициясини мустаҳкамлади.
Индонезия эса иккинчи мағлубиятини қайд этди ва амалда Жаҳон чемпионатига чиқиш имкониятини йўқотди. Жамоа ҳар икки баҳсда ҳам рақиблари босимига дош бера олмади.
Бу гуруҳда Саудия Арабистони ҳам иштирок этмоқда. Саудияликлар ҳам 3 очко билан пешқадамликни сақлаб турибди, Ироқ иккинчи ўринда бормоқда. Энди энг муҳим баҳс — 14 октябрь куни бўлиб ўтадиган Ироқ ва Саудия Арабистони учрашуви бўлади. Унда Жаҳон чемпионати йўлланмаси тақдири ҳал бўлиши мумкин.
ЖЧ–2026 саралаши, Осиё қитъаси
Ироқ — Индонезия 1:0
Гол: Зидан Иқбол (76).
Ироқ: Ҳассан, Али, Юнус, Таҳсин, Доски, Бәйеш, Яқоб (Иқбол, 46), Ал Аммари, Ресан (Жасим, 69), Карим (Амин, 46), Али (Муҳсин, 69).
Индонезия: Паес, Дикс, Ридо, Идзес, Жеймс (Тҷое-а-Он, 87), Пелупесси (Сананта, 87), Рендонк, Рейндэрс (Жонатан, 65), Хайе, Камбуая (Оратмангуэн, 46), Зайлстра (Ромени, 56).
Зидан Иқболнинг голи нафақат жамоасига очко, балки Ироқ учун янги руҳий кўтаринкилик ҳам олиб келди. Маҳаллий ОАВлар ёзишича, Иқболнинг бу ғалабадаги роли уни мамлакатнинг янги қаҳрамонига айлантирган.
“Zamin”ни Telegram'да ўқинг!
