“Ювентус”, “Реал Мадрид” ва Франция терма жамоасининг афсонавий ярим ҳимоячиси ҳамда “қироллик клуби”нинг собиқ бош мураббийи Зинедин Зидан 34 ёшида футболчилик фаолиятини якунлаш қарорига нима сабаб бўлганини сўзлаб берди.
“La Gazzetta dello Sport” нашрига берган интервьюсида Зидан бу қарорни онгли равишда қабул қилганини таъкидлади:
“Вильярреал”га қарши учрашувдан сўнг фаолиятимни тугатишни мақсад қилганимда, бу ўйлаб қилинган қадам эди. Кўчага чиқиш, меҳмонхоналарда қолиш менга ёқмай қолганди. Ҳатто уйда бўлганингда ҳам йиғин учун меҳмонхонага бориш керак эди. Шунинг учун 34 ёшимда тўхтатишга қарор қилдим. Албатта, жисмоний жиҳатдан яна икки ёки уч йил ўйнай олардим, лекин доимий сафарлар ва йиғинлар жонни бездирган эди”, — деди Зидан.
Маълумот учун, Зинедин Зидан ҳозирда ишсиз. Афсонанинг ўзи таъкидлашича, у Франция терма жамоасини бошқариш орзусида.
“Zamin”ни Telegram'да ўқинг!
