"Реал Мадрид" Винисиус ва Родригони 350 млн еврога сотишни режалади

"Реал Мадрид" жамоаси таркибида катта ўзгаришлар қилишни режалаштирмоқда. Клуб раҳбарияти 25 ёшли Винисиус Жуниор ва 24 ёшли Родриго каби ҳужумчиларни сотишни кўриб чиқмоқда. Бу ҳақда Euro-football.ru хабар берди.

Мадрид клуби Винисиус ва Родригонинг ўйиндаги беқарорлиги сабабли уларни трансферга қўйишни мақсад қилган.

Клуб ушбу икки бразилиялик футболчини сотиш орқали тахминан 350 миллион евро даромад олишни кутмоқда. "Реал Мадрид" бу маблағни янги футболчиларни харид қилиш учун сарфлашни режалаштирган.

Ҳозирда "Реал Мадрид" Испания Ла Лигаси турнир жадвалида етакчилик қилмоқда. Жамоа тўққиз ўйиндан сўнг 24 очко жамғарган.

Яқин кунларда Мадрид клуби ўз майдонида Чемпионлар лигасида “Ювентус” ва Ла Лигада “Барселона”га қарши муҳим ўйинлар ўтказади. "Реал Мадрид" сўнгги йилларда таркибини мунтазам равишда кучайтириб келади.

Клуб раҳбарияти янги футболчилар билан жамоани янада мустаҳкамлашни кўзламоқда. Янги трансферлар орқали "Реал Мадрид" ички ва халқаро мусобақаларда юқори натижаларга эришишни мақсад қилмоқда.