"Барселона" ҳужумчиси Маркус Рэшфорд тез орада бўлиб ўтадиган "Реал"га қарши ўйин ҳақида фикр билдирди. Бу ҳақда Euro-football.ru хабар берди.
Жорий ҳафта сешанба куни "Барселона" Чемпионлар лигасида Грециянинг "Олимпиакос" жамоасини 6:1 ҳисобида мағлуб этди. Энди каталонияликлар якшанба куни "Сантяго Бернабеу" стадионида "Реал Мадрид" билан Ла Лига доирасида учрашади.
Маркус Рэшфорд ушбу ўйинга катта аҳамият қаратаётганини айтди. У "Барселона" сафига айнан шундай муҳим баҳслар учун келганини таъкидлади ва ўйин бошланишини интиқлик билан кутаётганини билдирди.
27 ёшли инглиз футболчиси мавсум якунигача "Манчестер Юнайтед"дан ижарага олинган. "Олимпиакос"га қарши ўйинда Рэшфорд икки бор рақиб дарвозасини ишғол қилди.
Шунингдек, Фермин Лопес учта гол урди, Ламин Ямал ҳам ўз ҳисобига битта гол ёздириб қўйди. "Барселона" ва "Реал" ўртасидаги баҳс жорий ҳафтанинг энг қизиқарли ўйинларидан бири бўлиши кутилмоқда.
Клуб мухлислари бу қарама-қаршиликдан юқори натижа кутмоқда.
