Ўзбек спортчиси илк бор Дана Уайтнинг шапалоқ лигасида!
Диёрбек Отажонов Повер Слап 16 мусобақасида иштирок этиб, ушбу лигада қатнашган илк ўзбекистонлик спортчига айланади. Дубайда бўлиб ўтадиган турнирда у америкалик Колтин Коулга қарши баҳс олиб боради. Диёрбек бунгача ММА, жиу-жицу ва спорт кураши билан шуғулланган. Мусобақа эртага Тошкент вақти билан соат 21:00 да бошланади.
Эртага Бирлашган Араб Амирликларининг Дубай шаҳрида Power Slap 16 мусобақаси бўлиб ўтади. Бу сафарги турнир ўзбекистонлик спорт мухлислари учун айни ҳақиқий тарихий воқеага айланиши кутилмоқда — чунки илк бор ҳамюртимиз ушбу лигада иштирок этади.
Мусобақада Ўзбекистон шарафини Диёрбек Отажонов ҳимоя қилади. У бунгача ММА, жиу-житсу ва спорт кураши билан шуғулланган тажрибали атлет ҳисобланади. Отажоновнинг рақиби америкалик Колтин Коул бўлади.
Маълумотларга кўра, Коул аввалроқ Power Slap лигасида икки бор жанг қилган — бир ғалаба ва бир мағлубиятга эришган. Диёрбек эса ўзбекистонликлар орасида бу лигага қадам қўйган илк спортчи сифатида тарихда қолади.
Шапалоқлар жанглари билан ном қозонган ушбу мусобақа эртага Тошкент вақти билан соат 21:00 да старт олади. Спорт ишқибозлари мазкур тарихий дебютни жонли эфир орқали томоша қилиш имконига эга бўлади.
Изоҳлар 0
…