"Ливерпул" Англия Премьер-лигасида тўрт ўйинда кетма-кет мағлубиятга учрагач, турнир жадвалида еттинчи ўринга тушиб қолди. Шанба куни Арне Слот бошчилигидаги жамоа "Брентфорд"га 2:3 ҳисобида имкониятни бой берди.
Якшанба куни эса "Арсенал" "Кристал Пэлас"ни 1:0 ҳисобида мағлуб этган бўлса, "Манчестер Сити" "Астон Вилла"га 0:1 ҳисобида мағлуб бўлди. "Канонирлар" тўққиз турдан сўнг турнир жадвалининг биринчи поғонасида жойлашиб, энг яқин таъқибчи "Борнмут"дан тўрт очко олдинда бормоқда.
Аммо "шаҳарликлар" ва мерсисайдликлар эса етакчидан мос равишда олти ва етти очко орқада қолмоқда. Opta суперкомпьютерига кўра, чемпионлик учун асосий фаворит "Арсенал" бўлиб, уларнинг имконияти 66 фоизга баҳоланган.
"Манчестер Сити"нинг чемпионлик эҳтимоли 14 фоиз, "Ливерпул"ники эса атиги 11 фоизни ташкил этмоқда. Қолган жамоалар эса етакчилардан анча орқада қолган.
