Лондондаги "Тоттенхэм" жамоасининг бош мураббийи Томас Франкнинг келажаги ҳақидаги маълумотлар ошкор қилинди. Журналист Жеймс Девиснинг хабарига кўра, Франкнинг жамоа бошқарувидаги позицияси хавф остида эмас.
Клуб раҳбарияти мураббийни тўлиқ қўллаб-қувватламоқда, ҳатто сўнгги натижалар унчалик яхши бўлмаган бўлса ҳам. "Шпорлар" директорлар кенгаши Франкнинг узоқ муддатли лойиҳасига ишонч билдирмоқда ва муваффақиятсизликлар туфайли шошилинч қадамлар ташламоқчи эмас.
Шунингдек, футболчилар ҳам ўз мураббийларига ишонаётганлари таъкидланмоқда. Томас Франк жорий мавсум бошида "Тоттенхэм" бош мураббийи сифатида Анж Постекоглуни алмаштирган эди.
Ҳозирда жамоа 10 турдан сўнг Англия Премьер-лигасида 17 очко жамғариб, бешинчи ўринни эгаллаб турибди.
Ctrl
Enter
Хато топдингизми?
Иборани ажратиб Ctrl+Enter тугмасини босинг Мавзуга оид янгиликлар
