Римнинг "Рома" жамоаси ҳужумчиси Пауло Дибала сон мушакларидаги жароҳат туфайли майдонлардан уч ҳафтага ташқарида қолди. Футболчи жароҳатни яқинда бўлиб ўтган А Сериянинг 10-турида "Милан"га қарши ўйинда (0:1) олган.
Инсайдер Жанлука Ди Марзонинг маълумотига кўра, аргентиналик ҳужумчи тикланиш жараёнини тиббий назорат остида ўтказади. Жорий Италия чемпионати мавсумида 31 ёшли футболчи саккизта ўйинда қатнашиб, битта гол урган ва битта голли узатма амалга оширган.
А Сериянинг ўн туридан сўнг "Рома" 21 очко тўплаб, турнир жадвалида учинчи ўринни эгаллаб турибди. Римликлар пешқадам "Наполи"дан бир очкога орқада қолмоқда.
Ctrl
Enter
Хато топдингизми?
Иборани ажратиб Ctrl+Enter тугмасини босинг Мавзуга оид янгиликлар
