Борнмут клубининг вингери Антуан Семеньо ўз фаолиятини Манчестер Юнайтедда давом эттириши мумкин. TEAMtalk нашрининг хабарига кўра, Манчестер Юнайтед скаутлари мавсум бошидан бери 25 ёшли футболчининг ўйинларини диққат билан кузатиб бормоқда.
Маълумотларга қараганда, "қизил иблислар" футболчи учун тахминан 68 миллион евро таклиф қилишга тайёр. Аввалига бу трансфер ёз мавсумига режалаштирилган эди, бироқ агар Семеньо ўзининг ёрқин ўйинларини давом эттирса, келишув январда ҳам амалга оширилиши мумкин.
Жорий мавсумда Семеньо Англия Премьер-лигасида ўнта ўйинда майдонга тушиб, олти та гол урган ва уч та голли узатма амалга оширган. Футболчининг Борнмут билан шартномаси 2030 йилгача мўлжалланган.
Ctrl
Enter
Хато топдингизми?
Иборани ажратиб Ctrl+Enter тугмасини босинг 
