Собиқ "Манчестер Юнайтед" ҳужумчиси Криштиану Роналду клубга бўлган муносабати ҳақида гапирди. Роналду "Манчестер Юнайтед" сафида икки даврда тўп сурган.
2022 йил кузида португалиялик футболчи клубни кескин танқид қилган интервьюсидан сўнг "қизил иблислар" билан шартномасини бекор қилган эди. Шунга қарамай, у ҳозир ҳам жамоа ўйинларини кузатишда давом этмоқда.
- "Манчестер Юнайтед"ни кузатяпманми? Албатта. Бу клубда қанча йил ўйнаганман. Мен у ерда Чемпионлар Лигаси, "Олтин тўп" ҳамда 12-14та совринни қўлга киритганман.
Шундай экан, яна бир бор айтаман: "Манчестер Юнайтед" ҳали ҳам менинг юрагимда. Мен бу клубни севаман.
Аммо ҳақиқатни тан олишимиз керак: улар тўғри йўлда эмас. Клуб ўзгариши керак — менинг фикримча, бу муаммо фақат мураббий ёки футболчиларда эмас", – деди Роналду Пирс Морган билан суҳбатда.
Ҳозирда 40 ёшли Криштиану Роналду Саудия Арабистонининг "Ал-Наср" клубида тўп сурмоқда.
Меҳмон гуруҳидаги фойдаланувчилар ушбу мақолага изоҳ қолдира олмайди.
