Почеттино АПЛга қайтишни режалаштирмоқда

Маурисио Почеттино ҳозирда АҚШ миллий терма жамоасини бошқариб, жамоани ўз уйидаги жаҳон чемпионатига тайёрламоқда. Келажакда аргентиналик мутахассис яна Англия Премьер-лигасида ишлашни режалаштираётганини маълум қилди.

"Премьер-лига дунёдаги энг яхши лига. Албатта, мен у ерда ишлашни соғиндим. Американинг ўзида жуда бахтлиман, аммо бир кун келиб Премьер-лигага қайтаман деб ўйлайман. Бу энг рақобатбардош лига", - дея таъкидлади Почеттино BBC Sportга берган интервьюсида.

Аввалроқ Маурисио Почеттино Англияда "Саутгемптон", "Тоттенхэм" ва "Челси" жамоаларини бошқарган эди. АҚШ терма жамоаси мураббийлигига у 2024 йилнинг кузида тайинланган.