Криштиану Роналду Морган Пирсга берган янги интервьюсида "Манчестер Юнайтед" клуби муаммоларини яна бир бор танқид қилди. Португалиялик футболчи шунингдек, мураббий Рубен Аморим мўъжизалар яратишга қодир эмаслигини таъкидлади.
Аморим собиқ жамоа юлдузининг сўзларига муносабат билдирди. "Албатта, Роналдунинг ҳар бир сўзининг катта таъсири борлигини биламиз.
Аммо биз келажакка қарашимиз керак. Клуб сифатида ўтмишда кўплаб хатоларга йўл қўйганимизни тушунамиз ва уларни тузатишга ҳаракат қиляпмиз.
Ўтган воқеаларга қарамаслик керак. Олдинга интилиб, ҳозир қандай ишлаётганимизга эътибор қаратишимиз зарур.
Биз кўп нарсаларни ўзгартираяпмиз — тузилма, ёндашув, ўйинчилар хулқ-атвори. Ривожланиб бораяпмиз.
Ҳеч бўлмаса бироз бўлса-да ўтмишни унутайлик", — деди Рубен Аморим матбуот анжуманида.
"Манчестер Юнайтед" айни пайтда Англия чемпионати турнир жадвалида саккизинчи ўринни эгаллаб турибди.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
