Петр Чех: Арсенал чемпионликка яқин
Петр Чех “Арсенал”нинг Англия Премер-лигасида чемпион бўлиш имкониятлари жуда юқори эканини айтди. Микел Артета бошқарувидаги жамоа 10 турдан сўнг 25 очко билан пешқадамлик қилмоқда ва иккинчи ўриндаги “Манчестер Сити”дан 6 очко олдинда. Чехнинг таъкидлашича, рақиблари беқарор ўйин кўрсатаётган бир пайтда “Арсенал” қийин учрашувларда ҳам ғалаба қозонмоқда.
Таниқли собиқ дарвозабон Петр Чех Лондоннинг "Арсенал" жамоасининг Англия Премер-лигасидаги чемпионлик имкониятлари ҳақида ўз фикрларини билдирди. Микел Артета бошқарувидаги жамоа 10 турдан сўнг 25 очко тўплаб, турнир жадвалида етакчилик қилмоқда.
Улар иккинчи ўринда бораётган "Манчестер Сити"дан 6 очкога олдинда. "Арсенал"нинг бу мавсумда чемпионлик имкониятлари жуда юқори.
Рақобатчилари кўтарилиш ва пасайиш даврларини бошдан кечирмоқда, "канонирлар" эса ҳатто энг қийин ўйинларда ҳам ғалаба қозонишга муваффақ бўляпти. Бу сафар улар чемпионликни қўлга киритиш учун барча имкониятларга эга", – деди Петр Чех журналист Руди Галлеттига берган интервьюсида.
Эслатиб ўтамиз, "Арсенал" Премер-лигада сўнгги марта 2003/04-йилги мавсумда чемпион бўлган. Сўнгги уч мавсумда Лондон жамоаси иккинчи ўринни эгаллаган.
Изоҳлар 0
…