Берарди А Серияда рекорд ўрнатди
Доменико Берарди соат 12:30 да бошланадиган А Серия учрашувларида 19 та гол уриб, рекорд ўрнатди. У бу натижага «Сассуоло»нинг сафарда «Аталанта» устидан йирик ғалабасида иккита гол урганидан сўнг эришди. Мазкур кўрсаткич бўйича иккинчи ўринда «Лацио» ҳужумчиси Чиро Иммобиле бормоқда, у бундай ўйинларда 14 та гол урган.
Италия чемпионатининг 11-тур учрашувлари давом этмоқда. «Сассуоло» жамоаси сафарда «Аталанта»ни йирик ҳисобда мағлубиятга учратди.
Жамоа фахрийси Доменико Берарди эса мазкур ўйинда иккита гол урди ва шу тариқа А Серия учун ўзига хос рекордга эришди. Маълум бўлишича, Берарди ўз фаолияти давомида соат 12:30 да бошланадиган — яъни ўйин куни биринчи бўлиб ўтказиладиган учрашувларда жами 19 та гол урган.
Мазкур кўрсаткич бўйича иккинчи ўринни «Лацио» ҳужумчиси Чиро Иммобиле эгаллаб турибди. Италия журналистларининг маълумотига кўра, Иммобиле соат 12:30 да бошланган ўйинларда 14 та гол уришга муваффақ бўлган.
Изоҳлар 0
…