"Барселона" яна ўз дарвозасини "қуруқ" сақлай олмади. Бугунги "Сельта"га қарши ўйинда, 10-дақиқада Роберт Левандовски пенальтини аниқ амалга ошириб, ҳисобни очди.
Аммо орадан атиги икки дақиқа ўтиб, мезбон жамоа футболчиси Серхио Каррейра жавоб голини урди. Шундай қилиб, "кўк-анорранглилар"нинг "қуруқ" ўйинларсиз серияси давом этмоқда – ҳозирда бу кўрсаткич 10 та ўйинга етди.
Каталонияликлардан Левандовски ҳет-трикка эришди, Ямал ҳам гол урди, Рэшфорд 2 та ассистни ўз ҳисобига ёздириб қўйди.
Флик жамоаси очколарини 28 тага етказиб, 2-ўринга қайтди ва пешқадам «Реал» (31) билан фарқни 3 очкогача қисқартирди. «Селта» 13 очко билан 13-поғонада қолди.
"Барселона" сўнгги марта 21 сентябр куни "Хетафе" устидан 3:0 ҳисобида ғалаба қозонганда гол ўтказмаган эди.
Селта — Барселона 2:4
9 ноябр, «Балайдос»
Голлар: Каррейра (11), Иглесиас (43) — Левандовски (10 пеналти, 37, 74), Ямал (45+4).
Селта — Раду, Фернандес (Роман, 78), Старфелт, Алонсо, Мингеса (Родригес, 46), Сотело (Ал Абдуллауи, 78), Морибо, Каррейра, Ютгла (Сарагоса, 58), Дуран, Иглесиас (Аспас, 70).
Барселона — Шесни, Гарсия, Араухо, Кубарси, Балде (Мартин, 86), Де Йонг, Олмо (Кристенсен, 86), Фермин, Ямал (Бернал, 90+7), Рэшфорд (Торрес, 88), Левандовски.
Огоҳлантиришлар: Кубарси (42), Де Йонг (79), Рэшфорд (87), Левандовски (89), Роман (90).
Четлатиш: Де Йонг (90+4).
