«Ҳаётимдаги энг яхши кун – ўғлим дунёга келган кун». Роналдунинг ФИФА тақдимотидан кейинги интервьюси » Ўзбекистон янгиликлари – Zamin.uz

«Ҳаётимдаги энг яхши кун – ўғлим дунёга келган кун». Роналдунинг ФИФА тақдимотидан кейинги интервьюси

Спорт 11-01-2017, 22:34 556
«Ҳаётимдаги энг яхши кун – ўғлим дунёга келган кун». Роналдунинг ФИФА тақдимотидан кейинги интервьюси

ФИФА тақдимот маросимидан кейин оқшом қаҳрамони Криштиан Роналду кўплаб интервьюлар берди. Булар орасида ФИФА расмий сайти учун олинган блиц-интервью ҳам бор.

Фаолиятингдаги энг яхши гол?

- Охирги голим. Мен ҳамиша бу саволга шундай жавоб бераман.

КР7 бўлишнинг энг афзал жиҳат нимада?

- Энг яхшиси - бу одамларга хурсандчилик улашиш.

Фаолиятинг давомида сен қарши ўйнашга тўғри келган энг кучли ҳимоя?

- Бу саволга аниқ жавоб беришим қийин. Мен кўп бора дунёнинг энг кучли ҳимоячиларига қарши ўйнаганман. Улардан қайси биринидир ажратиб кўрсата олмайман.

Ҳаётингдаги энг яхши кун қачон бўлган?

- Ўғлим дунёга келганида.

Энг кўп ёқтирган мусиқанг?

- Менда бундай мусиқалар кўп. Мен жўшқин мусиқаларни афзал биламан... Масалан, реггетон. Ҳа, реггетон бўлақолсин.

Ўғлингдан қандай гапни эшитишни хуш кўрасан?

- Дада, мен сени яхши кўраман, сен дунёдаги энг яхши отасан.

Португалиядаги энг яхши шаҳар қайси?

- Фуншал, Мадейрадаги асосий шаҳар.

Сен ўйнаган энг яхши стадион?

- «Сантьяго Бернабеу».

Онанг тайёрлайдиган энг яхши таом?

- Бакалао (треска).


Zamin.uz нинг Facebook’даги расмий саҳифасига обуна бўлиб, янгиликлардан хабардор бўлинг.