“Манчестер Юнайтед” ва “Эвертон” клубларининг собиқ ҳужумчиси Уэйн Руни Англия Премьер-лигасининг бу мавсумдаги энг яхши трансферини эълон қилди. У швейцариялик ярим ҳимоячи Гранит Жаканинг “Сандерленд”га ўтишини ушбу мавсумнинг энг муваффақиятли трансфери сифатида таъкидлади.
"Жаканинг Премьер-лигага қайтганидан кейин юқори даражада ўйнай олишига шубҳалар бор эди. Айниқса, у яқинда элит дивизионга қайтган жамоага қўшилди.
Аммо ҳозир бемалол уни АПЛнинг бу мавсумдаги энг яхши трансфери деб айта оламан. Гранит ажойиб ўйин кўрсатмоқда", – деди Руни "Goal" нашрига.
33 ёшли швейцариялик футболчи Леверкузеннинг "Байер" клубидан "Сандерленд"га 15 миллион евро эвазига трансфер қилинган. Ярим ҳимоячи "Қора мушуклар" билан уч йиллик шартнома имзолади.
Меҳмон гуруҳидаги фойдаланувчилар ушбу мақолага изоҳ қолдира олмайди.
