14:06 / 11.11.2025

Тарихдаги энг бой боксчилар: Мейвезер етакчи

Британиянинг Give Me Sport нашри дунё тарихидаги энг бой боксчиларнинг янгиланган рейтингини эълон қилди.

Рўйхатда супероғир вазнда мутлақ жаҳон чемпиони Александр Усик ҳам бор. 24 та жангда мағлубиятсиз серияга эга бўлган украиналик боксчининг мол-мулки 214 миллион доллар деб баҳоланди ва у бешинчи ўриндан жой олди.

Таърифга кўра, рўйхатда биринчи ўринни америкалик Флойд Мейвезер эгаллади — унинг даромади 400 миллион долларга етган. Иккинчи поғонада 300 миллион доллар билан мексикалик Сауль “Канело” Альварес жойлашган. Шу миқдордаги бойликка эга Жорж Форман эса кучли учликни якунлаган.

Мэнни Пакьяо (220 млн доллар) тўртинчи, Александр Усик эса бешинчи бўлди. Қолган ўринларда Оскар де ла Хойя (200 млн), Тайсон Фьюри (146 млн), Шугар Рэй Леонард (120 млн), Леннокс Льюис (120 млн) ва блогердан боксчига айланган Жейк Пол (100 млн) номлари қайд этилган.

Give Me Sport версияси бўйича тарихдаги энг бой боксчиларнинг Топ-10 рўйхати қуйидагича:

1. Флойд Мейвезер — $400 млн,

2. Сауль “Канело” Альварес — $300 млн,

3. Жорж Форман — $300 млн,

4. Мэнни Пакьяо — $220 млн,

5. Александр Усик — $214 млн,

6. Оскар де ла Хойя — $200 млн,

7. Тайсон Фьюри — $146 млн,

8. Шугар Рэй Леонард — $120 млн,

9. Леннокс Льюис — $120 млн,

10. Жейк Пол — $100 млн.