Винисиус жамоадошини танқид қилди
Винисиус Жуниор "Раё Валекано"га қарши 0:0 ҳисобидаги учрашувда жамоадоши Дин Хойсенни узоқ пасларга ҳаддан ташқари таянаётгани учун танқид қилди. У мухлисларнинг эътирозларига ҳам жавоб қайтарди. Ўйин якунига яқин бразилиялик "Реал" ғалаба қозонишни хоҳламаётгандек туюлаётганини айтди. Ҳозирда "Реал" Ла Лигада "Барселона"дан уч очко олдинда бормоқда.
Испан матбуоти яқинда "Райо Валекано"га қарши ўйинда "Реал"нинг бразилиялик футболчиси Винисиус Жуниорнинг сўзларини таҳлил қилди. Ушбу учрашувда "Реал" 0:0 ҳисобида дуранг ўйнади ва уч очко олишга муваффақ бўлмади.
El Dia Despues дастурида хабар қилинганича, Винисиус ўйин давомида ҳимоячи Дин Хойсенни танқид қилган.
"Биз доим узоқ паслар билан ўйнаймиз. Сен ҳар доим узоқ пасни излайсан. Бу кимга керак ўзи?" - деган бразилиялик.
Шунингдек, Винисиус мухлисларга ҳам бир неча бор эътироз билдирган, гарчи улар футболчини провокация қилган бўлсалар ҳам. Ўйин якунига яқин эса бразилиялик "Реал"нинг ўйинини танқид қилиб, "Худо ҳаққи, биз ғалаба қозонишни хоҳламаётгандек туюляпти", - деган.
Ҳозирда "Реал" Ла Лигада биринчи ўринда бормоқда ва "Барселона"дан уч очко олдинда.
Изоҳлар 0
…