Аргентиналик футбол юлдузи Лионель Мессининг янги "Камп Ноу"да тушган сурати Instagram ижтимоий тармоқларида ҳақиқий шов-шувга сабаб бўлди.
Бир неча кун аввал жойланган ушбу фото жами икки кун ичида 23 миллион 484 минг 719 та "лайк" йиғди. Бу рақам қисқа вақт ичида платформадаги энг кўп кўрилган ва муҳокама қилинган спорт фотоларидан бирига айланди.
Қизиқ жиҳати шундаки, бу натижа Криштиану Роналдунинг 4 йил аввал Миллатлар лигаси кубоги билан тушган суратидан ҳам ошди — ўша пайтда португалиялик юлдузнинг фотоси 23 миллион 423 минг 67 та "лайк" олган эди.
Мессининг бу сурати нафақат унинг мухлислари, балки бутун футбол жамоатчилиги томонидан катта қизиқиш билан кутиб олинди. Шу тариқа, афсонанинг битта сурати яна бир бор унинг оммавий таъсири ва футболдаги улкан нуфузини намоён қилди.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
