UFC президенти Дана Уайтнинг айтишича, енгил вазннинг собиқ қиролини спортдан четлатган асосий омиллардан бири — унинг Яқин Шарқда қўлга киритган улкан даромадлари бўлган.
Уайтнинг таъкидлашича, Ҳабиб мусулмон мамлакатларига — Саудия Арабистони, Абу-Даби ва Қатарга қилган сафарларида шунчалик катта маблағ ишлаганки, энди октагонга чиқишга эҳтиёж қолмаган.
“Мусулмон жаҳон чемпиони пайдо бўлди, лекин у ислом дунёси бўйлаб сафарга чиқиб улкан пул ишлади. Улар Ҳабибни пулга гўё ‘кўмиб’ ташлашди. Шунча маблағ олдики, жанг қилишга мотивацияси қолмади. Кейин эса отасининг вафоти ҳам унинг бу йўлдан чекиниш хоҳишини кучайтирди”, — дейди UFC раҳбари Prince Street Pizza тармоғига берган интервьюсида.
Маълумки, Нурмагомедов 2020 йил октябрда ўзининг сўнгги жангини ўтказган. 32 ёшда бўлишига қарамай, кўплаб экспертлар уни спорт формасининг энг юқори нуқтасига етган эди, деб баҳолаган. UFC раҳбарияти бир неча ой давомида унга яна бир жанг ўтказишни таклиф қилди, аммо Ҳабиб қарорини ўзгартирмади.
2021 йил март ойида Дана Уайт расман Нурмагомедовнинг фаолияти якунланганини ва шу билан енгил вазн тоифасидаги унга тегишли камар бўш қолганини маълум қилди.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
