155 мингдан зиёд аҳоли яшайдиган, майдони 444 квадрат километрдан ошмайдиган кичик Кюрасао ороли футбол оламини яхшигина титратди — улар жаҳон чемпионатига тарихий йўлланмани қўлга киритди ва мундиалга йўл олган энг кичик давлат сифатида тарихга кирди.
Бу натижа орол учун нафақат спортдаги ғалаба, балки миллий руҳни бутунлай ёритиб юборган ўта муҳим воқеа бўлди. Маҳаллий мухлислар кечаси билан майдонларда, марказий кўчалар ва катта экранлар атрофида йиғилиб, жамоанинг тарихий ютуғини оташин томошалар, қўшиқлар ва шодиёналик билан нишонлашди. Кўриниб турган кадрлар — бу халқнинг қувончи қандай даражага чиққанини очиқ кўрсатади.
Орол бўйлаб минглаб одамлар байроқлар билан югуриб, бир-бирини қучоқлаб, телефонларига ҳар бир лаҳзани жазм қилганича, тарихий кечани ўтказди. Ҳеч ким уйига қайтгиси келмади — бу кеча улар учун фақат футбол ғалабаси эмас, балки бутун миллатнинг орзуси амалга ошган кун бўлди.
Кюрасао жамоаси бу натижага осонликча етиб келмади. Йиллар давомидаги меҳнат, янги авлод футболчиларининг ҳаракати, тизимли иш ва ишонч — ҳаммаси бир куни ўз ҳосилини берди. Мундиалга чиқиш орол тарихида энг катта спорт ютуғи сифатида қайд этилди.
Ҳозир оролда фақат бир савол — улар жаҳон чемпионатида яна қандай мўъжиза яратиши мумкин? Мухлислар бу жамоадан яна шок ҳодисалар кутишяпти, зеро ғолибона руҳ ва таъбир жоиз бўлса, "кичик давлатнинг катта юраги" уларга қанот бағишлаган.
Кюрасао учун бу кун — абадий эсда қоладиган, авлоддан авлодга ўтиб борадиган шон-шуҳрат лавҳасига айланди.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
