Жанлуижи Доннарумма Париждаги саҳифаси якун топганини ҳали ҳам оғир қабул қилмоқда. Унга кўра, Европадаги энг нуфузли клублардан бири билан хайрлашиш ҳеч қачон осон бўлмайди, айниқса жамоа билан ЕЧЛни қўлга киритган шундай муваффақиятли мавсумдан кейин.
Дарвозабон ўз сўзларида шундай дейди — клубдан кетиш жараёни унда «хиёнат қилинган»дек туйғу уйғотган. Парижга келганида ўзини “ПСЖ” учун мос ўйинчи деб ҳисоблаган Доннарумма охирги ойларда вазият кескин ўзгарганини таъкидлайди. Унинг айтишича, бу ҳолат уни руҳан синдирган, чунки кетиш қарори ортидаги воқеаларни ҳали ҳам тушуниш қийин.
Шу билан бирга, дарвозабон вазият қандай ҳал қилинганидан норози бўлганини яширмади. Аммо ўтмиш билан яшаш мумкин эмас — ҳаёт давом этади ва у буни қабул қилишга мажбур. Доннарумма Парижда ўтган йилларини миннатдорлик билан ёдга олади: жамоадошлар, мухлислар ва шаҳарнинг ўзи унга иккинчи уйга айланган. Париждаги ҳар бир дақиқа, ҳар бир муваффақият ва ҳар бир қўллаб-қувватлаш унга қимматли хотира сифатида қолган.
Ҳозирда “Манчестер Сити” дарвозасини қўриқлаётган италиялик посбон келажакда Парижга албатта қайтишини айтди — чунки бу шаҳар унинг профессионал ва шахсий ҳаётида ўчмас из қолдирган.
Маълумот учун, Доннарумма ёзги трансферлар ойнасида “ПСЖ” устози Луис Энрикенинг ўйин услубига мос келмагани учун АПЛ чемпионига сотилган.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
