Аёллар ўртасидаги нуфузли Осиё Чемпионлар лигасининг гуруҳ баҳслари қизиқарли ва муросасиз ўйинлар билан якунланди. Турнирнинг "Б" гуруҳидан жой олган Ўзбекистон шарафини ҳимоя қилаётган Қаршининг "Насаф" ("Севинч") жамоаси иккинчи ўринни эгаллаб, тарихий ютуққа — чорак финал чиптасини қўлга киритди.
Гуруҳдаги муносиб ўйин
Қарши клуби учта тур давомида муносиб ўйин намойиш этиб, 1 ғалаба, 1 дуранг ва 1 мағлубиятни ўз ҳисобига ёзиб қўйди. Жамоа ушбу натижалар билан 4 очко тўплади ва гуруҳдан чиқди. "Б" гуруҳини етакчи сифатида эса Хитойнинг кучли "Вуҳан" клуби 7 очко билан якунлади.
"Б" гуруҳидаги сўнгги натижалар қуйидагича кўриниш олди:
"Вуҳан" (Хитой) — 3 ўйин, 7 очко
"Насаф" (Ўзбекистон) — 3 ўйин, 4 очко (Кейинги босқичга йўлланма)
"Ист Бенгал" (Ҳиндистон) — 3 ўйин, 3 очко
"Бам Хатун" (Эрон) — 3 ўйин, 3 очко
"Насаф" 3- ва 4- ўринларни эгаллаган жамоалардан бор-йўғи бир очкога устун келиб, ўз ўрнини мустаҳкамлашга муваффақ бўлди ва Осиёнинг энг кучли саккизта жамоаси қаторидан жой олди. Мухлислар эндиликда "Насаф"нинг чорак финалдаги ўйинларини интиқлик билан кутиб қоладилар. Ўзбек аёллари футболи халқаро майдондаги муваффақиятли одимларини давом эттирмоқда.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
