Россия Бокс федерацияси 2-13 декабрь кунлари Бирлашган Араб Амирликларининг Дубай шаҳрида бўлиб ўтадиган IBA дунё чемпионатида иштирок этадиган мамлакат эркаклар термасининг расмий таркибини ошкор этди. Россиялик мураббийлар штаби энг кучли 13 нафар боксчини танлаб олди.
Дубайдаги мусобақада Россия шарафини ҳимоя қиладиган муносиб жангчилардан иборат таркиб қуйидагича:
–48 кг: Эдмонд Худоян
–51 кг: Баир Батлаев
–54 кг: Вячеслав Рогозин
–57 кг: Андрей Пегливанян
–60 кг: Всеволод Шумков
–63,5 кг: Иля Попов
–67 кг: Эвгений Коол
–71 кг: Сергей Колденков
–75 кг: Исмоил Мутсолгов
–80 кг: Жамбулат Бижамов
–86 кг: Шарабутдин Атаев
–92 кг: Муслим Гаджимагомедов
+92 кг: Давид Суров
Таъкидлаш жоизки, Муслим Гаджимагомедов (-92 кг) ва Шарабутдин Атаев (-86 кг) оғир вазн тоифаларининг асосий даъвогарлари бўлиб, улардан чемпионатда юқори натижалар кутилмоқда. Россия терма жамоаси ҳар доим IBA турнирларида муҳим ўринларни эгаллаб келган ва бу сафар ҳам улар асосий совринларга бел боғлаган.
Жаҳон чемпионатидаги кескин беллашувлар 2 декабрдан 13 декабргача давом этади. Мухлислар Дубай рингида катта жангларга гувоҳ бўлишлари мумкин.
“Zamin”ни Telegram'да ўқинг!
