Европа Чемпионлар лигаси умумий босқичининг 5-турида «Манчестер Сити» ўз мухлислари кўз ўнгида Германиянинг кучли «Байер» клубини қабул қилди ва кутилмаган тарзда 0:2 ҳисобида мағлубиятга учради. Бу беллашув нафақат натижа, балки жамоа ўйини, ротациялар ва якка тартибдаги ҳаракатлар билан ҳам кўпчиликда муҳокама уйғотди.
Меҳмонлар сафидаги голлар Алехандро Гримальдо ва Патрик Шик ҳисобига ёзилди. Ҳар икки зарба ҳам жамоанинг ҳимоядаги камчиликларини очиқ-ойдин намоён қилди.
Гвардиола яна Ҳусановга ишонч билдирди
Ушбу учрашувда эътиборни тортган энг муҳим жиҳатлардан бири — Хосеп Гвардиоланинг яна бир бор Ўзбекистон терма жамоаси ҳимоячиси Абдуқодир Ҳусановга асосий таркибдан ўрин бергани бўлди. 21 ёшли футболчи бу гал ҳам ўзининг ҳаракатчанлиги, ҳужумга қўшилиши ва қанотда фаоллиги билан ажралиб турди. У заҳирага олингунга қадар «Сити»нинг энг ишончли ва барқарор ўйнаган футболчиларидан бири бўлди.
«Сити» устунлик қилди, аммо натижа ёқимсиз якунланди
Ҳар қанча ҳужумкор ҳаракатлар амалга оширилмасин, манчестерликлар бу сафар гол уришга муваффақ бўла олишмади. Тўп назорати, тезкорлик ва вазиятлар кўп яратилган бўлса-да, улар амалда самара келтирмади. «Байер» эса ўз имкониятларини аъло даражада ишлата олди.
EsteemedKompany.com сайти ўйинчиларни батафсил баҳолади
Англия футболи билан шуғулланувчи машҳур манба — esteemedkompany.com ҳар бир футболчининг ҳаракатларини ўз мезонлари асосида баҳолади. Уларнинг фикрига кўра:
Жеймс Траффорд — 5/10
Голларни сақлаб қололмади, баъзи вазиятларда ишончсиз ҳаракат қилди. Жон Стоунзга берган ноаниқ паси жиддий хато бўлиши мумкин эди.Абдуқодир Ҳусанов — 6/10
Ўйинни яхши бошлади, қанотдан ҳужумларни қўллаб-қувватлади. Захирага олингунига қадар айнан у энг барқарор футболчилардан бири сифатида қайд этилди.Жон Стоунз — 6/10
Тўпни ўта аниқ назорат қилди, бир неча ўткир пасларни амалга оширди. Аммо ҳимояда зарур пайтда тўхтатиб қолиш бўлмади.Натан Аке — 6/10
Ҳимояда ишончли кўринди, лекин Патрик Шик урган иккинчи голда ундан устун келинди.Райан Айт-Нури — 4/10
Биринчи таймда жиддий қийналди. Ҳисоб очилган вазиятда нотўғри позиция танлагани кўринди. Бир неча ой майдонга тушмагани сезилди.Рико Льюис — 4/10
Ярим ҳимояда ўйин ритмини топа олмади, танаффусда алмаштирилди.Нико — 5/10
Марказни ушлаб туришга ҳаракат қилди, лекин рақиблар ундан осон ўтиб кетишди.Тижани Рейндерс — 5/10
Бир неча қулай вазият бўлди, аммо улардан фойдалана олмади. Унга ишончли ўйин учун гол керак.Оскар Бобб — 4,5/10
Бир марта хавфли вазият яратди, бироқ ҳал қилувчи ҳаракат қилолмади.Савиньо — 4,5/10
Яхши лаҳзаларни кўрсатди, лекин ўйини барқарор эмас. Таҳлил қилиш қийин бўлган футболчилардан.Умар Мармуш — 5/10
Жуда меҳнат қилди, бироқ таъсир кўрсата олмади.Фил Фоден — 6/10
Жамоа ҳужумини кучайтирди, аммо натижага катта таъсир қилмади.Жереми Доку — 6,5/10
Майдонга тушиши билан чап қанотга жиддий жонланиш олиб кирди. Энг хавфли футболчилардан бўлди.Нико О’Райли — 6/10
Ҳимояда ишончли, ҳужумда фаол.Эрлинг Холанд — 6/10
Жамоага куч қўшди, бир неча вазиятда гол уриши мумкин эди. Бироқ тўп дарвозадан ўрин топмади.Райан Черки — 6/10
Ҳужумнинг сўнгги қисмида янги хавфли вазиятларни яратди.
Кейинги рақиб — Европанинг гиганти “Реал Мадрид”
«Манчестер Сити» энди Чемпионлар лигасининг гуруҳ босқичидаги навбатдаги ўйинни 10 декабр куни “Реал Мадрид”га қарши ўтказади. Учрашув Испания пойтахтида бўлиб ўтади ва бу жуда катта синов бўлади.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
