13 йил давомида «Реал Мадрид» жамоасида фаолият юритган ярим ҳимоячи Лука Модрич яқинда Италия А Сериясининг «Милан» клубига ўтди. 40 ёшли хорватиалик футболчи янги клубига ўтиши ҳақида ўз фикрларини билдирди.
«Мен ҳар доим айтиб келганман: «Реал»дан кейин қайси жамоага ўтмай, бу орқага қадам деган маънони англатади. Бу борада ҳеч қандай шубҳа йўқ ва буни барча футболчилар тасдиқлаши мумкин.
Аммо мен «Реал»нинг тарихий ва нуфузига яқин бўлган жамоага ўтдим, деб ҳисоблайман. Бу менинг учун энг идеал вариант бўлди. Айниқса, «Милан»ни яхши кўрганим учун. Мен италян футболида вояга етдим.
«Милан» болалигимдан энг кўп қойил қолган клубим эди. Шундай имконият пайдо бўлганида, дарҳол бу тўғри қарор эканлигини англадим. Шаҳар ажойиб. Мени клуб ичида ҳам, ундан ташқарида ҳам ажойиб тарзда кутиб олишди.
Жамоа аъзолари, мураббийлар ва мухлислар – барчаси бу ерда юқори даражада. «Милан»нинг дунёнинг энг йирик клубларидан бири эканлиги ҳар қадамда сезилиб турибди.
Мен бу ерда чин дилдан бахтли ва мамнунман», – деди Модрич Arena Sportга берган интервьюсида. Ҳозирда «Милан» А Серия турнир жадвалида иккинчи ўринни эгаллаб турибди.
Меҳмон гуруҳидаги фойдаланувчилар ушбу мақолага изоҳ қолдира олмайди.
