Барселона ҳимоячиси Рональд Араухо Чемпионлар Лигасининг бешинчи турида "Челси"га қарши ўйинда қизил карточка олди. Бу сабабли каталонияликлар Араухо хизматларидан фақат Европа мусобақасида эмас, балки Испания чемпионатининг навбатдаги турида ҳам маҳрум бўлишди.
У Ла Лига доирасидаги "Алавес"га қарши учрашувда майдонга туша олмайди. Шунингдек, "Барселона" бош мураббийи Флик матбуот анжуманида Араухо ошқозон вирусига чалинганини ва эртанги кунда ҳам у жамоадан ташқарида қолишини маълум қилди.
"Барселона" ва "Алавес" ўртасидаги баҳс 29-ноябр куни соат 18:15 да, "Камп Ноу" стадионида бошланади. Ушбу ўйин натижасини онлайн матнли трансляция орқали кузатиб бориш мумкин бўлади.
Ла Лига турнир жадвалида "Барселона" ҳозирда иккинчи ўринни эгаллаб турибди, "Реал"дан бир очко ортда. “Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг Мавзуга оид янгиликлар
Маълумот
Меҳмон гуруҳидаги фойдаланувчилар ушбу мақолага изоҳ қолдира олмайди.
Меҳмон гуруҳидаги фойдаланувчилар ушбу мақолага изоҳ қолдира олмайди.
