Россия терма жамоасининг собиқ футболчиси Игор Коливанов жорий мавсумда Испания чемпионатидаги "Барселона"нинг ўйинлари ҳақида ўз фикрларини билдирди. Мутaхассис ўз мулоҳазаларини "Евро-Футбол.Ру" интернет нашрига берган интервьюсида айтиб ўтди.
"Агар сен доим шундай ўйнасангки, сени мағлуб этишнинг иложи бўлмаса, бу ўйинда ҳамма нарса сенга осонлик билан берилаётганини сезасан. "Барселона" сўнгги икки йил давомида, айниқса, Испания чемпионатида рақибларини бир эшикдан ўтказиб юбормоқда.
Натижада, ўзлари ҳам бундай осонликдан чарчаб қолишади. Айрим жамоалар учун эса "Барселона"ни мағлуб этиш бутун йил давомида мухлисларни хурсанд қилиш учун етарли.
Масалан, "Севилья"дан 1:4 ҳисобидаги мағлубиятни эсланг, "Барселона" ўйинчилари ўзлари ҳам бундай босимга тушиб қолишни кутишмаганди", - деди Коливанов. Ла Лига турнир жадвалида "Барселона" 13 турдан кейин 31 очко билан иккинчи ўринда бормоқда.
Пешқадам "Реал" билан фарқ эса атиги бир очкони ташкил этади. Каталония клуби Испаниянинг амалдаги чемпиони ҳисобланади.
Меҳмон гуруҳидаги фойдаланувчилар ушбу мақолага изоҳ қолдира олмайди.
